आइतवार, जेष्ठ १५, २०७९
Sunday, May 29, 2022
spot_img

कुष्टरोग दिवसको अवसरमा अन्तरक्रिया कार्यक्रम सम्पन्न ,पर्वतमा कुष्टरोगीको सख्या घट्दो

१६ माघ २०७८
”सुन्य कुष्टरोगको लागि हाम्रो प्रतिवद्धता आत्म सम्मानका लागि ऐक्यवद्धता“ भन्ने मुल नाराका साथ आज पर्वतमा पनि ६९ औ विश्व कुष्टरोग दिवस मनाइएको छ । कार्यालयले दिवसको अवसरमा पत्रकार अन्तरक्रिया कार्यक्रम गरि सम्पन गरेको हो ।
जिल्ला स्वास्थ्य कार्यालय पर्वतको आयोजनामा सम्पन्न कार्यक्रममा कार्यालयका फोकल पर्सन तथा परिवार नियोजन सुपरभाइजर नारायण प्रसाद रेग्मीले नेपालमा हाल कुष्टरोगको अवस्थाको वारेमा जानकारी गराउनु भएको थियो ।
नेपालमा २०६६ सालमा राष्ट्रिय स्तरमा कुष्टरोग निवारणको घोषणा गरिएको थियो । प्रति दश हजारमा १ जना भन्दा कम कुष्टरोगी रहेको आधारमानी नेपाललाई कुष्टरोग निवारण घोषणा गरिएको हो ।

हाल तराई लागाएत केही पहाडी जिल्लामा अझैपनी कुष्टरोगीहरु भेटिएका छन् । गण्डकी प्रदेशमा हाल सम्म ५९ जना पूरुष र ४७ जना महिला गरि कुल १०६ जनामा कुष्टरोगी रेहको मा १०० जनाले नियमित उपचार गराईरहेका छन ।
पर्वतमा भने कुष्टरोगीहरुको तथ्यांक हेर्दा पछिल्ल्लो चरणमा घढ्दै गएको छ । ५ वर्षको तथ्यांक हेर्दा आ.व २०७३/२०७४मा कुष्टरोगीका नया विरामी ७ जना रहेकोमा पछिल्लो आवमा घट्दै गएकोमा गत आर्थिक वर्षमा ८ जना नया विरामी भेटिएका थिए । यस आर्थिक वर्षको पौष मसान्त सम्म २ जना नया विरामी भेटिएको फोकल पर्सन नारायण प्रसाद रेग्मील वताउनु भयो ।
पर्वतमा कुल १० जना कुष्टरोगी रहेको स्वास्थ्य कार्यालय पर्वतले जनाएको छ । उनिहरुले हरियो खर्क अस्पताल पोखरामा उपचार गराईराखेका छन् । कुष्टरोगीहरु लाई समाजले हेर्ने दृष्टिीकोण नकारत्मक भएका कारण पनि कतिपय रोग लागेका मान्छेहरु समाजमा खुल्न चाहदैनन् । पर्वतमा रेहका १० जना मध्य जलजला गाउपालिका , कुश्मा नगरपालिका ,फलेवास नगरपालिका , विहादी गाउपालिका र पँयू गाउपालिका का नागरिक रहेका छन् । मोदी गाउ पालिका र महाशिला गाउपालिकामा भने कुष्ट रोगी भेटिएका छैनन् । कुष्टरोग श्वास प्रस्वास र विरामी को सिधा सम्पर्क वाट सर्ने भएका कारण विरामी वाट टाढै रहनु पर्ने र विरामी भएमा नियमित उपचार गरेमा निको हुने पर्वत अस्पतालका डा. डिवी क्षेत्रीले वताउनु भयो ।
स्वास्थ्य कार्यालय पर्वतको आयोजना सम्पन्न पत्रकार अन्तरक्रिया कार्यक्रममा पत्रकार महासंघ पर्वतका अध्यक्ष सन्तोष थापा , पर्वतममा क्रियाशिल पत्रकारहरु तथा स्वास्थ्य कार्यालयका कर्मचारीहरुको उपस्थिती रहेको थियो । कार्यालयका लेखा अधिकृत रामचन्द्र पौडेलको अध्यक्षतामा सम्पन्न कार्याक्रमको संचालन कार्यालयका फोकल पर्सन तेज प्रसाद सुवेदीले गर्नुभएको थियो । पर्वतमा कोभिड संक्रमण वढ्दै गएका कारण स्वास्थ्य मापदण्ड अपनाएर निश्चित संख्यामा पत्रकार अन्तरक्रिया कार्याक्रम सम्पन्न गरिएको कार्यालयले जनाएको छ ।

spot_img
- Advertisement -spot_img
ट्रेन्डिङ
- Advertisement -spot_img