शुक्रबार, मंसिर १६, २०७९
Friday, December 2, 2022
spot_img

हरितालिका तिजको अवसरमा पर्वतको मोदीमा खुल्ला तीज गीत प्रतियोगिता हुने

पर्वत / हरितालिका तिजको अवसरमा पर्वतको मोदीमा खुल्ला तीज गीत प्रतियोगिता हुने भएको छ । तिजको अवसर पारेर पर्वतको मोदी गाउँपालिकाले मोदी गाउँपालिका स्तरीय तिज गीत प्रतियोगिताको आयोजना गर्न लागेको हो ।
कार्यक्रम संयोजक शोभा देवी शर्माका अनुसार यही भदौका ९ गतेका लागि प्रतियोगिताको आयोजना गरिएको छ भने उक्त प्रतियोगितामा वडामा रहेका आमा समूह, महिला समूह, महिला उद्यमी समूह लगायतले सहभागिता जनाउन सक्ने गरी गाउँपालिकाका ८ वटै वडा कार्यालयहरुमा पत्राचार गरिएको छ । उक्त प्रतियोगितालाई अवलोकन गर्नका लागि वडा सदस्य तथा वडा कार्यालयमा कार्यरत कर्मचारीहरुलाई आह्वान पनि गरिएको छ ।
प्रतियोगितामा प्रथम, द्धितिय र तृतिय बन्ने समूहले क्रमशः १५ हजार, १० हजार र ५ हजार रुपैयाँ नगद पुरस्कार प्राप्त गर्ने छन् । गीतको विषयबस्तु महिला शसक्तिकरण , संस्कृतिको रक्षा , रचतात्मक र मौलिक , मौलिक पोषाकमा मात्रै उपस्थित भएको हुनुपर्ने भनिएको छ ।
सहभागी हुन चहाने समूहले भदौ ८ गते बेलुका ५ बजे भित्रमा फोनबाट भए पनि नाम दर्ता गराउन सक्ने मोदी गाउँपालिकाको कार्यालयले जानकारी दिएको छ । कोभिड सङ्क्रमणलाई ख्याल गरेर स्वास्थ्य सुरक्षा मापदण्डको पालना गर्दै आयोजना हुने छ ।
उक्त प्रतियोगिता मोदी गाउँपालिका–२ पातिचौरमा रहेको खुल्ला चौरमा आयोजना गरिने र बिहान ९ बजेदेखि साँझ ५ बजेसम्म प्रतियोगिता सञ्चालन हुने पनि संयोजक शर्माले बताइन ।

spot_img
- Advertisement -spot_img
ट्रेन्डिङ
- Advertisement -spot_img