पर्वत –गण्डकी प्रदेशका सभामुख नेत्रनाथ अधिकारी पर्वतबाट प्रतिनिधि सभामा सिफारिस भएका छन् । माओवादी केन्द्रको जिल्ला समन्वय समितिको वैठकबाट अधिकारी प्रतिनिधि सभामा सिफारिस भएका हुन् । माओवादी केन्द्रको वैठकले अधिकारी सहित प्रतिनिधि सभामा अन्य ४ जनाको नाम पनि सिफारिस गरेको छ ।
अधिकारी यस अघि प्रदेश सभा क मा पर्वतबाट विजयी भएका हुन् । उनी बाम गठबन्धनको साझा उमेदवारको रुपमा कांग्रेसका नवराज गुरुङलाई पराजीत गरी प्रदेश सभामा विजयी भएका थिए । प्रदेश सभामा उनी शुरुवाती समय देखि नै सभामुखको रुपमा क्रियाशिल छन् ।
अधिकारीसंगै प्रतिनिधि सभामा माओवादी केन्द्रले केन्द्रिय सदस्यहरु गुप्त हमाल, गुणाखर बस्याल, जयनारायण तिवारी, र गंगा तिमिल्सीनालाई पनि सिफारिस गरेको छ । हमाल भरखरै सम्पन्न स्थानीय तहको निर्वाचनमा मोदी गाउँपालिका अध्यक्षमा पराजीत भएका हुन् । भने उनी दोस्रो संविधान सभाको निर्वाचनमा कास्की जिल्लाबाट उमेदवार बनेका थिए ।
बस्याल भने पहिलो संविधान सभाको निर्वाचनमा पर्वतबाट निर्वाचित सांसद हुन् । बस्यालले संविधान सभाको पुरा कार्यकाल संविधान सभाको वैठकमा सहभागी थिएनन् ।
